للي يهدد فتاه في صورها

شاب يهدد فتاه في صورها فرده عليه الشاعر

تهددها بصورها::
الجانت تهد بيك...
جانت رافضةة بس انتة تجبرها!!
لاتفضح سترها""
الصعدتك فوك..
آمنت بيك ولك لا تكسر بخاطرها. .
تحبك رادتك فارس أحلام اتصير..
مو واهس فرحتك من تكضي تشمرها
وحدة بوحدةة
ربك ما يطك بحجار
عتبت باب بيتك زحمة تخسرها
شافت بيك أبو اوليداتهة تخليك
لا تفضحها إذا مابيك تسترها

من الباب أدخل مو من الشباك
إذا تحبهة صدك اتقدملهة
مثل اختك عرفهة واحد من الناس
ترضاهة عليهة من يستغلهة؟
تعيشهة بحلم بي عائلة وأطفال
خاف الله ولك شسولفلهة وحدة
ثنين عندك هية ياترتيب وعلى
شكم وحدة ضاحك هم مثلهة
فندق لو گلب هاذ العايش بي
ولا غرفة صدك من تدخللهة
كافي ماتحس يمكن ضميرك مات
وين الفاتحة حتى اوصللهة
ابوهة شكد تعب رباهة بـلدمعات
وامهه حَدبت بس تكبرلهها
وعلى الحاضر تجي ياحضرة الأستاذ
ماتوصل شبر والله لكحلهه
شمعه بيت هية وانت تزون ليل
ولو كالو شمس ما تسوه ضلهة
احسبهة عدل باجر وراك أعتاب
شتكلهة اعتذرر؟؟ متصرفلهة!!

لزياره صفحتنا على فيس بوكاضغط هنا

ادعما لكي نستمر